Windows Live 分享空間

點解你對我的愛會咁短時間,你同我講過嘅說話我每天都想起,真的不可以再愛多一次嗎？如果我不說分手你還會愛我嗎？黠解會愛得咁膚淺？真的有愛過我嗎？

今日我有一位親人離去,係由小睇到我大的洪仔叔,雖然唔係第一次離到生離死別,但係第一次親眼睇往一個咁親嘅人喺我眼前離去,雖然對佢嚟講係一種解脫,佢可以平安咁返到去天國同神一齊享福,但我還未接受到這個事實,佢仲未睇到我嫁人,我仲未好好孝順過佢就咁就走咗！當我握住他的手,體温由温暖到冰冷我就有十萬個後悔點解無花多些時間陪佢,佢有叫過想去唱k但無同佢去到,後悔點解無同佢傾多d計,到我想再聽吓佢叫吓我已經太遲,我現在唯一可以做嘅就係要珍借身邊每一個人,完成洪仔叔嘅心願帶佢個女去迪士尼！雖然佢嘅離去我好傷心但最傷心嘅係佢太太,我嬸嬸,因她失去了一個好丈夫,一個倚靠,還要照顧一個得四歲喺女兒！洪仔叔喺我細個嘅時侯常照顧我所以你放心啦,我會盡量照顧佢哋！

為何人越大感情嘅問題就越複習,點解唔可以好似以前咁愛得簡簡單單,以前只要大家都有好感就好自然就一齊,唔會好似依家咁想咁多,咁煩！

原來我睇錯晒,原來他跟他除咗同姓,同星座之外就一d都唔似！一個有品一個無品,一個識尊重我識保護我一個唔識,一個曾經真係對我心一個扮有心,一個係真浪子一個扮浪子但扮唔起.其實我係咪真係咁易呃,點解要呃我！但講到底,最錯嗰個都係我自己,錯在我信錯我以為佢係最信得過,錯在我對佢有祈望,錯在我對愛情有希望,錯在我無聽朋友講還機會佢呃我,錯在我唔識做壞女人,錯在我鍾意佢,但最錯嘅原來一開始就錯！錯晒！